Shatta Wale always dey talk say he get money pass all the artist for Ghana. Maybe ebe truth he dey talk. Data wey we gather from reliable source online dey show say Shatta dey make money pass all the artists for Ghana for YouTube.
Shatta Wale get over 300,000 subscribers for en official YouTube Chanel. According to the data he dey earn between $11.6K to $185k each year for YouTube.
He create en YouTube channel in 2012 wey he get a little over 100 million views so far.
The second highest earner be Sarkodie. Sark also get over 300,000 subscribers wey he dey earn between $11.6k – 109.4k yearly.
Sark create en YouTube channel in 2012 wey he also get a little over 120 million views so far.
The third person be Stonebwoy. He get over 100,000 subscribers wey he dey earn between $2.5k – $40.2k yearly.
He create en YouTube channel in 2010 wey he get a little over 37 million views so far.
Who be the champion😁
CHARLEYONLINE 